நாச்சியார் திருமொழி 1. வாரணம் ஆயிரம் சூழவலம் செய்து நாரண நம்பி நடக்கின்றான் என்று எதிர் பூரண பொற்குடம் வைத்துப் புறமெங்கும் தோரணம் நாட்டக் கனாக்கண்டேன் தோழீநான் 2. நாளைவதுவை மணம் என்று நாள்இட்டு பாளைக் கமுகு பரிசு உடைப் பந்தற்கீழ் கோளரி மாதவன் கோவிந்தன் என்பான் ஓர் காளை புகுதக் கனாக்கண்டேன் தோழீநான் 3. இந்திரன்உள்ளிட்ட தேவர்-குழாம் எல்லாம் வந்திருந்து என்னை மகட்பேசி மந்திரித்து மந்திரக் கோடியஉடுத்தி மணமாலை அந்தரி சூட்டக் கனாக்கண்டேன் தோழீநான் நால் திசைத் தீர்த்தம் கொணர்ந்து நனிநல்கி பார்ப்பனச் சிட்டர்கள் பல்லார் எடுத்துஏத்தி பூப்புனைகண்ணிப் புனிதனோடு என்தன்னைக் காப்பு-நாண் கட்டக் கனாக்கண்டேன் தோழீநான் 4. 5. கதிர்-ஒளித் தீபம் கலசம் உடன் ஏந்திச் சதிர்இள மங்கையர் தாம்வந்து எதிர்கொள்ள மதுரையார் மன்னன் அடிநிலை தொட்டு எங்கும் அதிரப் புகுதக் கனாக்கண்டேன் தோழீநான் 6. மத்தளம் கொட்ட வரி-சங்கம் நின்றுஊத முத்துஉடைத் தாமம் நிரை தாழ்ந்த பந்தல்கீழ் மைத்துனன் நம்பி மதுசூதன் வந்து என்னைக் கைத்தலம் பற்றக் கனாக்கண்டேன் தோழீநான் 7. வாய்நல்லார் நல்ல மறைஓதி மந்திரத்தால் பாசிலை நாணல் படுத்துப் பரிதிவைத்து காய்சின மா களிறு அன்னான் என்கைப்பற்றி தீவலஞ்செய்யக் கனாக்கண்டேன் தோழீநான் 8. இம்மைக்கும் ஏழ்ஏழ் பிறவிக்கும் பற்றுஆவான் நம்மை உடையவன் நாராயணன் நம்பி செம்மை உடைய திருக்கையால் தாள் பற்றி அம்மி மிதிக்கக் கனாக்கண்டேன் தோழீநான் 9. வரிசிலை வாள்முகத்து என்னைமார் தாம்வந்திட்டு எரிமுகம் பாரித்து என்னை முன்னே நிறுத்தி அரிமுகன் அச்சுதன் கைமேல் என்கைவைத்துப் பொரிமுகந்துஅட்டக்கனாக்கண்டேன் தோழீநான் 10. குங்குமம்அப்பிக் குளிர்சாந்தம் மட்டித்து மங்கலவீதி வலஞ்செய்து மாமணநீர் அங்கு அவனோடும் உடன்சென்று அங்கு ஆனைமேல் மஞ்சனம் ஆட்டக் கனாக்கண்டேன் தோழீநான்

நான்கு திசைகளிலும் யானைகள் சூழ்ந்து, நாராயணன் நடக்கிறார் என்று கனவில் கண்டேன் தோழி. நாளை திருமணம் என்று கூறி, பந்தலின் கீழ், கோவிந்தன் வந்து காளை புகுதக் கனவில் கண்டேன் தோழி. தேவர்களுடன் வந்து, மந்திரம் சொல்லி, மணமாலை சூட்டக் கனவில் கண்டேன் தோழி. நான்கு திசைகளிலும் தீர்த்தம் கொண்டு வந்து, புனிதனுடன் எனக்கு காப்பு கட்டக் கனவில் கண்டேன் தோழி. ஒளி விளக்கு ஏந்தி, பெண்கள் வந்து, மன்னன் அடிநிலை தொட்டு, புகுதக் கனவில் கண்டேன் தோழி. மத்தளம் கொட்ட, சங்கம் ஊத, மதுசூதன் வந்து என்னைக் கைத்தலம் பற்றக் கனவில் கண்டேன் தோழி. நல்ல மறை ஓதி, மந்திரத்தால், யானை என்கைப்பற்றி தீவலஞ்செய்யக் கனவில் கண்டேன் தோழி. நம்மை உடையவன் நாராயணன், திருக்கையால் தாள் பற்றி அம்மி மிதிக்கக் கனவில் கண்டேன் தோழி. எரிமுகம் பாரித்து, அச்சுதன் கைமேல் என்கைவைத்துப் கனவில் கண்டேன் தோழி. குங்குமம் அப்பிக், மாமணநீர் ஆனைமேல் மஞ்சனம் ஆட்டக் கனவில் கண்டேன் தோழி.