Poetry Analysis

Back to poet Translate into other languages

umr guzregī imtihān meñ kyā

Original Poetry

Translation

umr guzregī imtihān meñ kyā

This analysis is in the same language as the poem, so a separate translation was not needed.

daaġh hī deñge mujh ko daan meñ kyā

merī har baat be-asar hī rahī

nuqs hai kuchh mire bayān meñ kyā

mujh ko to koī Toktā bhī nahīñ

yahī hotā hai ḳhāndān meñ kyā

apnī mahrūmiyāñ chhupāte haiñ

ham ġharīboñ kī ān-bān meñ kyā

ḳhud ko jaanā judā zamāne se

aa gayā thā mire gumān meñ kyā

shaam hī se dukān-e-dīd hai band

nahīñ nuqsān tak dukān meñ kyā

ai mire sub.h-o-shām-e-dil kī shafaq

tū nahātī hai ab bhī baan meñ kyā

bolte kyuuñ nahīñ mire haq meñ

aable paḌ ga.e zabān meñ kyā

ḳhāmushī kah rahī hai kaan meñ kyā

aa rahā hai mire gumān meñ kyā

dil ki aate haiñ jis ko dhyān bahut

ḳhud bhī aatā hai apne dhyān meñ kyā

vo mile to ye pūchhnā hai mujhe

ab bhī huuñ maiñ tirī amaan meñ kyā

yuuñ jo taktā hai āsmān ko tū

koī rahtā hai āsmān meñ kyā

hai nasīm-e-bahār gard-ālūd

ḳhaak uḌtī hai us makān meñ kyā

ye mujhe chain kyuuñ nahīñ paḌtā

ek hī shaḳhs thā jahān meñ kyā

Explanation

—

Word Dictionary

—

Poet & Context

PoetJaun Elia

Era20th century

Syed Hussain Sibt-e-Asghar Naqvi, known as Jaun Elia, was a prominent Pakistani Urdu poet born on December 14, 1931. He was known for his unconventional style and deep knowledge of various subjects, including philosophy and literature. Elia was fluent in multiple languages and is celebrated for his contribution to modern Urdu poetry.

View on Wikipedia

Themes & More

Themes

Literary devices